ضحكتك

أفتح عينين الصبح جواك
أزرع ف موال الرحيل خطوة
سايب ضحكتك تجري ورا جرحي
نفَس البعاد اتقطع
لاضحكتك ساكتة
ولاالحزن عاد فيه حيل

ليه يا بنفسج ، تزرع ف قلب الغيم ، سرك ، الشجن لك وحدك ، وضفاير همستك تسرح على ضهر النهار

يد خفيفة ، تتلف ف حرير، ناعمة ، تنسل إلى اللحظة ، تسرق منها أعز ماتملك ، الشاعر لص ، لايقلع عن غواية التلبس

مؤهلات و مهن الفنانين قبل دخول الفن

حاصل على ليسانس الاجتماع الضيف احمد
حاصل علي بكالوريوس المعهد العالي للتربية الرياضية امين الهنيدي
حاصل علي الشهادة الابتدائية حسن فايق
حاصل على شهادة في الإخراج المسرحي مــن ألمانيا عام 1936 سراج منير
تخرج من معهد الموسيقي العربية عام 1948 عبد الحليم حافظ
درس الأدب في الثانوية بمساعدة مستشرق ألماني اسمه دكتور / شاده عبد الوارث عسر
خريجة مدرسة الراهبات الداخلية بالزيتون ليلى مراد
حصل على دبلوم الهندسة التطبيقية العليا عام 1938ودبلوم المعهد العالي للفنون المسرحية عام 1953 محمد رضا
حصلت على بكالوريوس المدرسة الألمانية بباب اللوق مريم فخر الدين
حصل علي شهادة البكالوريا عام 1908 نجيب الريحاني
تخرج في المعهد العالي للتمثيل بميلانو (إيطاليا) عام 1922 يوسف وهبي
تركت الدراسة وهي في المرحلة الثانوية حيث كانت تدرس بمدرسة الدواوين الثانوية فاتن حمامة
اكتفت بالحصول علي الثانوية العامة نجلاء فتحي
لم تحصل على أية مؤهلات دراسية
سعاد حسني
لم تحصل على أية مؤهلات دراسية نجاة الصغيرة
لم تحصل علي الإعداديه نجوي فؤاد
لم تحصل علي الإعداديه هياتم
لم تحصل علي الإعداديه عايدة رياض
لم تحصل على أية مؤهلات دراسية
سميرة أحمد
لم تحصل على أية مؤهلات دراسية
خيرية أحمد
لم تعرف القراءة والكتابة إلا علي كبر نادية الجندي
لا تجيد القراءة والكتابة فيفي عبده
لم تحصل علي الإعداديه ناهد شريف
لم تحصل علي الإعداديه زيزي البدراوي
لم تحصل علي الإعداديه سميرة صدقي
ثانوية عامة يسرا
طالبة بكلية الحقوق ، لم تكمل الدراسة بها شيرين سيف النصر
أكتفي بالشهادة الإعدادية عمرو دياب
لم يُكمل بكالوريوس الفنون المسرحية محمود حميده

كأنك مفيش ( أحمد فؤاد نجم )

برغم إن صورك فـ كل الدواير

وكل المداخل وكل المحاور

ومليا الشوارع على كل حيط ..

مطنش علينا وعامل عبيط ..

كأنك مفيش ..

***

يا فرحة قلوبنا رئيسنا ظريف ..

فُكهي ..

إبن نكته ودمه خفيف

فـ عهدك سيادتك فَرَشنا الرصيف

وآخر مُنانا الغُموس والرغيف

وكل أمَّا تُخنُق ندوَّر ..

مفيش !!

***

مسيِّب علينا عصابة حبايبك

فضايح وسرقة ونهب بسبايبك

مابين حزب نجلك .. وهانم جلالتك

وجيش الغوازي إللَّي داير يجاملك

وناملك وقاملك .. وحارسك وأمنك

شبعنا مهانه .. شبعنا لطيش ..!

وأنت .. مفيش !!

***

باعونا فـ حضورك ..

ببركة عِبـيدك وغالي وسرورك

باعوا الأراضي .. وكل المصانع

وباعوا البنوك ..

وقدَّام عِنيك .. صوتنا إتـنبح ..

ننادي عليك ..

إلحق يا ريس : ده باعوا الحديد !!

وأنت منشِّف دماغك عنيد !!

.. كأنك مفيش !!

***

دوشتوا دماغنا ” بجمال ” طلعتك

ومن يومها وإحنا عَبـيد حضرتك

ما تزعلش إني مواطن أبيح

ورافض كلابك فـ شعبك تطيح

فسادهم يا ريِّس واضح .. صريح

قوم بينا صلّح وفتَّش .. وثور

ح نكتب تاريخك ياريِّس بنور

مش تبقى عايش كأنـَّك مفيش !!

***

ورحمة أبوك .. مادام أنت قاعد

عيب لمَّا عُصبة نَـوََر يسحبُوك

م تُقبض عليهم .. م تقطع إيديهم ..

م تعمل عليهم يا ريِّس شاويش

بدل م انت ساكت وقاعد مفيش

***

ياريس علىّ الطلاق تعبانين !!

ياريس علىّ الحرام كفرانين !!

صبرنا سنين ..

سيادتك مسلطن

وشعبك وناسك بتاكل مسرطن

وتشرب مجاري وميت سم هاري ..

ومش دريانين !!

ما تنهض يا ريس تلم الديابه ؟!!

ده شعبك غلابه ..

ومليان طيابه ..

وهوَّ الشفاعة ف يوم الحساب

وهما البطانة الحُثاله الكلاب

ما يملاش عنيهم غير التراب

وليهم ضوافر

وميت ألف ناب

وواقفين لشعبك ورا كل باب

لإمتى ح تسكت وليه الغياب ؟

ده ياما ممالك طواها التراب

حياتنا ياريس تعب فوق عذاب

يا ريس ” شريفك ” ماهوَّاش شريف !!

” نظيفك ” يا ريس ماهوَّاش نظيف !!

وحتى ” حبيبك ” ماهواش حبـيب !!

وأنا غصب عني .. خلاص إستويت ..

بـ غـُلبي إنحنيت ..

وطلعان عنيا .. وصعبان عليا

بحسبة بسيطة ومن غير خريطه ..

وكونك مفيش .. لقيت متساويش

ومش فارقه أعيش ..

نويت أشتكيك للِّي فوقي وفوقك

وأصلي الفرايض ..عسى يفـُك طُوقـك

قالولي إللي يسجد عدو النظام !!

حاولت أحكي حالي ..!!

قالولي الحكاوي نميمة وحرام !!

فكرت أكتب ..

لقيتكم سيادتك منعتوا الكلام !!

فقررت أحلم ..

هاحلم سيادتك وأفُك اللِّجام

ولو مش هيعجب سيادتك يا فندم

وصِّي العساكر .. تاخُدني أمَّا انام !!

***

حلمت إني شعب ..!

حلمت إني شعب ومصلوب بطولي

على أرض سمرا

ودمي بينـزف ومليان جروح

وفوق صدري جمرة

يميني مربّط على أرض طابا

شمالي ممسمر فـ “أولاد علي”

ورجلي على جزع نخلة فـ “حلايب”

ومرتاح براسي على حِجْر مصر

وشوفتك ياريس ..كأنك ولي ..

كأنك نبي ..

فـ إيدك عصاية وليك معجزات

وشايل صليبي وبتفـُكني ..

وانا فـ جنَّه خضره .. وتحتي جداول ..

ومن فوقي نور .. وريحة بخور ..

همست ف ودانك بآخر وصيّة :

إنسى إللي فاتك ..

هننسى الأسية .. !!

أمانه عليك ..

حُط الوطن جُوَّه نِنِّي عينيك

كرامة عيالنا أمانة ف إيديك

بحق إللي بينّا يا ريِّس وبـينك

وحَق اليَمِين و” ألكتاب ” فى يمينك

بحق الشهيد .. إللي رافع جبينك

وجيش إنتصارك فى يوم العبور

وجيل حُر طالع .. وعدته بدور

لملم عيالك .. وجمَّع فـ مالك

وإسحب ” جمالك ” وسيبنا وغور

الا أنا

كل مرة أكدس فيها الشوارع والبيوت والوجوه والحنين في حقائب تنوء بغربتها ، تكون اشيائي كلها قد استدلت على العنوان ، الا أنا المرافق الوحيد لاشياء لا تعرفني

ثلاث حالات

هناكَ ثلاثُ حالاتٍ يصبحُ فيها الحلمُ شرعياً :

حالةُ الجنونْ ..

وحالةُ الشِّعرْ ..

وحالةُ التعرُّفِ على امرأةٍ مدهشةٍ مثلكِ ..

وأنا أُعاني - لحسنِ الحظّ -

منَ الحالاتِ الثلاثْ