أصل الحكاية إن الولد

إلى علي الصافي ذكرى ضحكة


أصل الحكاية إن الولد مندور لنداهة مخلوط
بريح البراءة
مشغول بلعبة طفل
زي الكلام فوق لثغة البحر
ويادوب الحكاية لما تنسى
وتاخد عمرنا إحنا السكوت
فوق كون البكا
واللقى لحظة إشارة
كون النسيم
لما حضورك
لما غيابك
ضحكة
لما
معادك فوق وش الشجن
مطر
وتضحك ياعلي
ويامر الكلام لم يدوب في النهر
وسؤالك المجروح فوق طلوعي كل يوم الصبح
صرخة سكوت
أهة بنفسج
في طريق عابر
لما تطلع أنت جوايا
تموت م الضحك
أو م القهر
وتضحك ياعلي
فراشة بيضا زي الضي
يغازلها ساعات الغيم يغرق نعاسها في خصلة الليل
تروح تروح تروح
طبع الخيال يرجع
ولا يجرح في قلب الفجر
تكتب
تصرخ
تغيب والدنيا فوق ضحكتك
حزن المغني
وتضحك ياعلي
لما خديجة طفلة من جدايل فجر
ساكت سكوتها
ساكن في عذرية
فوق جبين صدفة على زمنك
وكالعادة الشهيرة : تضحك ياعلي
على ألف جرح توزع غناوينا
يتعرف عليك في شوراعنا الوجع يعزف هو سمرته وتنزف فيك حكاوينا
أخاف من أخر السطر
من وجعك على صدر القصيدة
وتضحك ياعلي